نەوید ئەفکاری" زۆرانبازی ئێرانی لە لایەن ڕژیمی ئێرانەوە، لە سێدارە درا.

 



ڕۆژی شەممە 22ی خەرمانان، سەرەڕای گوشارە نێونەتەوەییەکان و کەسایەتیەکانی جیهان، بە تایبەت وەرزشوانان، ڕێکخراوانی مافی مرۆڤ و یەکێتی جیهانی یاریزانان، نەوید ئەفکاری زۆرانباز و وەرزشوانی ئێرانی لەسێدارە درا.

ئەم هەواڵە دڵتەزێنە لە لایەن کازمی موسەوی" سەرۆکی گشتی دادوەری پارێزگای فارس ڕاگەێیندراو و وتی:
ئەم حوکمە بە ئامادەبوونی بنەماڵەی نەوید ئەفکاری و بنەماڵەی کوژراو، جێبەجێ کراوە.
نەویدی ئەفکاری سەرەتا بەتاوانی بەشداریکردن لە خۆپیشاندانی ساڵی 96 دەسبەسەرکرا و دواتر بە پێی شاهێدی ناڕاستی کەسێک بەناوی سەعیدی ئەرجومەند دەشتەکی" تاوانی کوشتنی ئیتڵاعاتێیکی بەسەردا سەپێندرا.
ئەم شاهید حاڵە دوای ئازادی کاتی وتی: هەرچێک لە بارەی نەویدی ئەفکاری وتم هەموو درۆ بووە و ژێر شکەنجە ناچاریان کردووم.
دەقی شاهێدی فەرمی سەعیدی ئەرجومەند دەشتەکی" لە دەفتەری بەڵگەکانی فەرمی ژمارەی 240شیراز بوونی هەیە و ناوبراو سوێندی خواردوە لە هەرشێوە کردەوەیەکی تاوانبارانە لە لایەن نەویدی ئەفکاری" کوڕی حسین "، بێ ئاگایە و لەژێر فشار و شکەنجە شاهێدی ناڕاستی داوە.
شایانی ئاماژەیە دوو کوڕی دیکەی بنەماڵەی ئەفکاری بەناوی حەبیب و وەحید کە وەرزشوانن لە خۆپیشاندانەکان دەسبەسەر کراون و سزای قامچی و زیندانیان بەسەرسەپێندراوە.
هەروەها خەڵکی ئێران و کەسایەتی سیاسی و وەرزشی ئێران زۆربەیان لەم بارەوە هەڵوێستی توندیان گرتوە و مەحکومیان کردوە.
ئەمانە هەموو دەرخەری ئەوەیە ڕژیم لە لایەن ئەم کەسانە هەست بە مەترسی دەکات و ڕۆژانە هەزاران قاچاقچی مەوادی هۆشبەر بەئازادی و بەبڕیاری خۆدی ئیتڵاعات لەنێو لاوانی وڵات، بڵاو دەکەنەوە و بەهۆی ئەوەی کە سیاسەتەکانی ڕژیم پەیڕەو دەکەن ، ڕژیم بەتاوانباریان نازانێ و پێشیان پێ ناگرێ.
لاوانی هەژاری ئێران و بەتایبەتی کوردستان بەبێ تاوانی، بۆ چاوترسێنی خەڵکانی دیکە لە سێدارە دەدرێن، بەڵام وەک مێژوو دەریخستوە، ئەم کردەوە قێزونانە پەلە قاژەی کۆتایی پێهاتنی دەسەڵاتی نگریسی هەموو دیکتاتۆرانە.
ڕێکه‌و 2020-09-12 21:16:59
به‌شی ( سیاسی )







سیاسی