راگەێندراوی كومیتەی خوێندكارانی سازمانی خەباتی كوردستانی ئێران بە بۆنەی دەست پێكردنەوەی ساڵی نوێی خویندنی 1391-1392
 لە كاتێكدا خوێندكاران خۆیان بۆ خوێندن و بارهێنان لە ناوەندەكانی پەروەردە ئامادە كردوە، لە ئێراندا لە ژێر زەخت و فشارێكی زۆردان، بە پێی ئامارەكان  37 لەسەد لە منداڵان و لاوانی تەمەن 7 بۆ 19 ساڵ لە خوێندن بێ بەشن، زانكۆكان بە توندترین شێوە لە لایەن بەرپرسانی ئەمنیەتیەوە چاودێری دەكرێت، جیاوازی رەگەزی لە زانكۆكان پەرەی سندووە و زۆربەی كچانی خوێندكار ئەمساڵ بە هۆی گۆرینی بەشەكانی خویندن و جیاكردنەوەی بەشەكانیان لە خویندن بێ بەش كراون. بە دەست پێكرنی ساڵی نوێی خوێندن زۆربەی خوێندكاران بە هۆی جیاوازی بیروباوەریانەوە یان دەستبەسەر كراون و یان لە خوێندن بێ بەش كراون، خوێندكاران بە تایبەت خوێندكارانی كەمینە نەتەوەییەكان لە خوێندن و نووسین بە زمانی زگماگی خۆیان بێ بەشن، خوێندنگاكان وڵام دەرەوەی رێژەی خویندكاران نیە و بە پێی راپۆرتی رۆژنامەی حكومەتی جامی جەم 50 هەزار خوێندكار لە زانستگاكانی دەوڵەتی جێگای مانەوەیان نیە. بە هۆی جیاوازیە نەتەوەیی و رەگەزیەكانی كە لە نێو زانكۆكاندا پەیرەو دەكرێ بەشی زۆری خوێندكارانی كوردی زانكۆكانی ئێران لە ژێر ناوی جۆراوجۆردا لە مافەكانیان بێ بەش دەكرێن و هەل و مەرجێكیان بۆ دەخولقێندرێ كە نەتوانن بەردەوام بن لە خوێندن، ئەوانەشی كە بە رەنج و ماندووبوونێكی زۆر درێژە بە خوێندن دەدەن، دەبێ لەلایەن ئورگانە ئەمنیەتیەكانی زانكۆكانەوە تەئید بكرێن و لە دوای ئەوەش دەكەونە ژێر چاودێریێكی چڕی ئەو ئورگانانەوە، بە دەیان كەس لە خوێندكارانی كورد، ئەستێرەدار كراون و رێگەیان پێنادرێ لە ساڵی داهاتوودا بچنەوە زانستگاكان، هەروەها بە دەیان كەسی دیكەیان لە زیندانەكاندا بەندكراون.

 بەو پێ یە پێویستە خوێندكارانی ئێران و خوێندكارانی كورد لە سەر بەدی هێنانی مافەكانیان بێدەنگ نەبن و هەوڵ بدەن لە پێناو مافە نەتەوەیی  و مەدەنی و زانستی دابین كردنی فەزایێكی ئازاد و وەك هەمیشە لە خوێندنگاكانیانەوە دژبە هەر چەشنە زۆڵمو زۆرێكی داگیركەران و چەوسێنەران بوەستنەوە.

كۆمیتەی خوێندكارانی سازمانی خەبات ی كوردستانی ئێران خۆی بە پشتیوانی خەباتی ئازادخوازانەی خوێندكاران دەزانێ پشتیوانی لە هەر هەوڵێكی مافویستانەی ئەو چینە روناكبیر و تێكۆشەرەی كوردستان و ئێران دەكات.




كۆمیتەی خوێندكاران

سازمانی خەبات ی كوردستانی ئێران

1ی رەزبەری 1391





ڕێکه‌و 2012-09-23 15:09:23
به‌شی ( هه‌مه‌ڕه‌نگ )







سیاسی