سه‌ر له‌به‌یانى ئه‌مرۆ پێنج شه‌ممه‌ ٧/٨/٢٠١٤ به‌رێز كاك بابه‌شێخ حسێنى به‌رێوه‌به‌رى گشتى سازمانى خه‌بات به‌ هاورێى  چه‌ند كه‌س له‌ ئه‌ندامانى سه‌ركردایه‌تى و ژماره‌یه‌ك پێشمه‌رگه‌ى سازمانى خه‌بات، سه‌ردانى به‌ره‌كانى شه‌رِ له‌ناوچه‌ى "خازر"  نزیك له‌ شارى موسڵ ى كرد و له‌ نزیكه‌وه‌ به‌راورد و هه‌ڵسه‌نگاندنى دۆخى شه‌رى هێزى پێشمه‌رگه‌ى كوردستان له‌دژى هێزه‌ ترۆریستیه‌كانى داعشى كرد. له‌و سه‌ردانه‌ دا به‌رێزكاك بابه‌شێخ حسێنى  له‌ سه‌ر هه‌لومه‌رجى شه‌رِ له‌ ناوچه‌ى خازر، له‌گه‌ڵ چه‌ند به‌رپرسی حكوومه‌ت و هیزى پێشمه‌رگه‌ى جێگیر له‌ به‌ره‌كانى شه‌ر قسه‌ى كرد. بوونى پێشمه‌رگه‌ى سازمانى خه‌بات له‌ به‌ره‌ى جه‌نگ له‌ دژى داعش بوویه‌ مایه‌ى خۆشحاڵى و وره‌ به‌رزى هێزى پێشمه‌رگه‌ى كوردستان.