راگه‌یه‌ندراوی ناوه‌ندی لاوانی خه‌باتی كوردستانی ئێران سه‌باره‌ت به‌ ڕودانی بومه‌له‌رزه‌ له‌ پارێزگای ئازەربایجانی ڕۆژهه‌لات

هه‌واڵی نوێ

راگه‌یه‌ندراوی ناوه‌ندی لاوانی خه‌باتی كوردستانی ئێران سه‌باره‌ت به‌ ڕودانی بومه‌له‌رزه‌ له‌ پارێزگای ئازەربایجانی ڕۆژهه‌لات به‌پێی هه‌واڵەكان لەو كارەساتەدا زیاتر لە ٢٥٠ كەس كوژراون و نزیك بە ٣٠٠٠ كەسیش بریندار بوون، كە ژمارەی كوژراوان ڕوو له‌ زیاد بوونە هه‌ر به‌ پێی هه‌واڵەكان زۆر بەی قوربانیانی ئەو كارەساتە ژن و منداڵن. ئەو كارەساتە لە كاتێكدا روودەدا كە هەل و مەرجی ژیان لەو ناوچانە زۆر حەستەم و نالەبارە، و رژیمی دیكتاتۆری ئاخوندی خزمەتگوزاریێكی ئەوتۆ بەتایبەت لەباری بیناسازیەوەی جێ بە جێ نەكردوە هەر بۆیە بە روودانی هەر كارەساتێكی سروشتی وێرانی و قوربانیێكی زۆری لێ دەكەوێتەوە.
ناوه‌ندی لاوانی خه‌باتی كوردستانی ئێران پرسه‌و سه‌ره‌خۆشی خۆی پێشكەش بە سه‌رجه‌م قوربانیانی ئەو كارەساتە دەكا و هیوای هه‌رچی زوتر چاكبوونه‌وه‌ بۆ برینداران ده‌خوازێت .
ناوەندی لاوانی خەباتی كوردستانی ئێران
٢٢ی گەلاوێژی ١٣٩١
١٢ ئاگۆستی ٢٠١٢ ڕێکه‌و 2012-08-12 14:51:12
به‌شی ( هه‌واڵه‌کان )