هێزە ئیتلاعاتییەکان هاووڵاتییەکی کوردیان لە پیرانشار دەستبەسەر کرد 300x180x18299.jpg.pagespeed.ic.4-wB6mvBzq هاووڵاتییەکی کوردی خەڵکی ناوچەی پیرانشار لەلایەن هێزە ئیتلاعاتییەکانی حکوومەتی ئێرانەوە دەستبەسەر و رەوانەی ناوەندە ئەمنییەکانی شاری ورمێ کراوە. بەپێی راپۆرتی هەواڵدەریی کوردپا؛ عەبدوڵڵا خزری کوڕی حەسەن ماوەی ١١ رۆژە بە تۆمەتی ئەندامەتی لە یەکێک لە حیزبە کوردییەکانی ئۆپۆزیسیۆنی حکوومەتی ئیران دەستبەسەر کراوە و هەتا ئیستاش چارەنووسی ناڕوونە.
عەبدوڵڵا خزری تەمەن ٢٥ ساڵ، خێزاندار و خەڵکی ئاوایی "ترکەش"ی ناوچەی مەنگوڕایەتی پیرانشار، رۆژی ١٠ رێبەندان لە پیرانشار دەستبەسەر کراوە. دەگوترێت، عەبدوڵلا خزری چالاکی سیاسیی کورد، پێشتر ئەندامی یەکێک لە حیزبە کوردییەکانی ئۆپۆزیسیۆنی حکوومەتی ئێران بووە. هەتا کاتی بڵاوبوونەوەی ئەم هەواڵە، سەرەڕای بەدواداچوونی بنەماڵە و کەسوکاری عەبدوڵلا خزری، چارەنووسی ناوبراو بە ناڕوونی ماوەتەوە و لە ناوەندە ئەمنییەکانی حکوومەتی ئێران لەژێر لێپرسینەوە دایە.
ڕێکه‌و 2014-02-10 09:17:23
به‌شی ( هه‌واڵه‌کان )







سیاسی