لاوێكی سەرپێڵی زەهاو لەخاكی سووریەدا كوژرا 300x180x17883.jpg.pagespeed.ic.LjSvGRkoaO لاوێكی كورد لەشەڕ و تێكهەڵچوونەكانی ناوخۆیی سووریادا لەلایەن هێزە چەكدارەكانەوە كوژرا. بەپێی هەواڵی هەواڵدەریی كوردپا، شەڕ و پێكدادانەكانی گرووپە چەكدارەكان لە سووریا كوژرانی لاوێكی تەمەن ٢١ ساڵەی بە ناوی عەلی كەرەمی كوڕی "حەسەن"‌ی لێكەوتەوە. بەوتەی دانیشتوانی ناوچەكە، ئەو لاوە كوردە لەلایەن گرووپە سەلەفییەكانەوە بە مەبەستی شەڕ رادەهێنرێن و رەوانەی سووریە دەكرێن. هاوکات دەگوترێت، سپای قودسی حکوومەتی ئێران سەرەڕای ئەوەی کە ئاگاداری هەڵسووکەوتی گرووپە سەلەفییەکانە، بەڵام لەبەر ئەوەی لە وڵاتی ئێراندا نەمێنن، نەتەنیا هیچ بەربەستێکیان بۆ دروست ناکات، بەڵکوو هاوکاریشیان دەکات. عەلی كەرەمی مانگی پێشوو رەوانەی سووریا كرابوو و رێكەوتی ٢٣‌ی بەفرانبار هەواڵی كوژرانەكەی بە بنەماڵەی لەسەرپێڵ دراوە. زۆربەی هاووڵاتییانی كورد لە سەرپێڵ زەهاو سوننی مەزهەبن و ناوەندە ئەمنیەتییەكان بەتایبەت حیفازەتی ئیتلاعاتی سپا بە هاوكاری گرووپە سەلەفییەكان ژمارەیەكک لەلاوەكان دەسنیشان و لەژێر ناوی "جیهاد"‌دا رەوانەی سووریەیان دەكەن. بڵاوبوونەوەی هەواڵی كوژرانی ئەولاوە سەرپێڵی‌یە لە شەڕی سووریەدا لە كاتێك دایە كە كۆتاییەكانی حەفتەی رابردوو، بەرپرسی دەزگای قەزایی حكوومەتی ئێران لە هەڵوێستێكی جێی تێڕاماندا داوای لە ناوەندە ئەمنیەتیەكان كردبوو، هەڵسوكەوتی توند لەگەڵ گرووپە سەلەفییەكان بكەن
ڕێکه‌و 2014-01-18 09:58:46
به‌شی ( هه‌واڵه‌کان )







سیاسی