خۆکوژیی دوو لاوی تەمەن ١٥ و ١٣ ساڵەی سەردەشت
بەپێی راپۆرتی هەواڵدەریی کوردپا؛ رۆژی یەکشەممەی رێکەوتی ٢٢ی بەفرانبار ئارمان باوەڕی تەمەن ١٣ ساڵ و کوڕی عومەر، ئاگری لەجەستەی خۆی بەردا و بەهۆیەوە گیانی لەدەست دا هەروەها سەرلە ئێوارێی رۆژی یەکشەممە محەممەد شێخی تەمەن ١٥ ساڵ، کوڕی عەلی و دانیشتووی شاری سەردەشت لەرێگەی خۆ هەڵواسینەوە هەوڵی خۆکوژی داو لە ئەنجامدا بووە هۆی گیان لەدەست دانی.

لە سەرەتای مانگی سەرماوەزی ئەمساڵیشدا، کچێکی تەمەن ١٣ ساڵەی خەڵکی گوندی "قەڵا رەشە"ی سەردەشت بەناوی ماریا رێحانی لە رێگەی خۆهەوڵواسینەوە کۆتایی بەژیانی خۆی هێنا.

بەگوتەی کارناسان لە هەر کۆمەڵگەیەکدا بێکاری و خەمۆکی روو لە زیادبوون بکات، دیاردە کۆمەڵایەتییەکانی وەکوو خۆکوژی و تەڵاقیش روو لە زیادبوون دەکەن

لەو پەیوەندییەدا جهانگیر کەرەمی پزیشکی دەروونناس بە یەکێک لە ماڵپەڕە ناوخۆییەکانی راگەیاندبوو، چوونە سەرەوەی ئاماری بێکاری بۆتە هۆی ئەوەی کە ئاماری خۆکوژیش دوو قات روو لە زیادبوون بکات.

بەپێی ئامارەکان خوکوژی لە تەمەنی ١٥ هەتا ٢٤ ساڵ لە ئاستی جیهاندا، بە سێیەمین هۆکاری مردن لە قەڵەم دراوە.
300x180x10834.jpg.pagespeed.ic.lYKUfaIQDJ

ڕێکه‌و 2014-01-14 08:32:42
به‌شی ( هه‌واڵه‌کان )







سیاسی