پەیامی ناوەندی لاوانی خەباتی كوردستانی ئێران بەبۆنەی دەست پێكردنەوەی ساڵی نوێی خویندنی 1392-1393
بێگومان هەر كۆمەڵگایەك ئەگەر خوێندن و زانستی وەكو پێویست نەبوو  ئەوا بە كۆمەلگایەكی دواكەوتوو لەقەڵم دەدرێت و لە سەرجەم بوارەكانی ژیان دوادەكەوێت.

خوێندكاران یەكێكن لەو توێژانەی  كە هەمیشە ئوومێدبەخشی كۆمەڵگان و كاریگەریەكی زۆریان هەیە لە پێشكەوتنی نەتەوە و وڵاتەكەیاندا ،وزەی لەبن نەهاتوون و هەمیشەش ئامادەی هەرقوربانیەكن كە لە  پێناو گەل و نیشتماندابێت و  ئەگەر لاپەرەكانی مێژوو هەڵبدەینەوە ئەم ڕاستیەمان بۆ دەرەكەوێت .

 رژێمی ئێران هەمیشە لە جووڵانەوە و شۆرشەكانی خوێندكاران ترساوە وبۆ كپ كردنەوەی   دەنگی ناڕازایەتیش هەمووهێزوو توانای خۆیی بەكار هێناوە بۆنموونە لە سەرهەڵدانی بزوتنەوەی خوێندكاران لە سالێ‌ 1378 كاتێك رژێمی ئێران ویستی فەرهەنگی زانكۆكان بگۆرێت بەلام ئەمە لەلایەن خوێندكارانەوەی بەرهەڵستی لێكەوتەوە و رووبەرووی رژێم بوونەوە ئەمەش بووە هۆیی ئەوەی ژمارەیەكی بەرچاو لە خوێندكاران كوژران و برینداربوون تووشی گرتن و تۆقاندن بوونەوە بەلام دەستیان هەڵنگرت و هەر لە شۆرش بەردەوام بوون هەتا وای لێهات رژێم بە ناچاری بۆ ماوەی 3 ساڵ دانێشگاكان دابخات .

لە ئێستاشدا بە هۆیی بوونی گەمارۆ ئابووریەكان بار و گوزەرانی خەلكی بەگشتی و خوێندكاران بەتایبەتی  لە ئاستێكی زۆر خراپدایە بە جۆرێك زۆرێك لە خوێندكاران واز لە مەدرەسەدێنن بۆ پەیداكردنی بژێوی ژیانیان رودەكەن كۆڵبەری یان كۆچ دەكەن بۆ  وڵاتانی دراوسێ‌ و ئەوروپا،ئەمە جگەلەوەی كە رژێمی ئیران كەمتەرخەمە لە دابین كردنی پێداویستیەكانی خوێندكاران و زۆرێك لە مەدرەسەكان كۆنن و ئەگەری روخانیان لێدەكرێت كە ئەم كەمتەرخەمیانەش بووە هۆیی ئەوەی كە لە یەكێك لە مەكتەبەكانی گوندی شێناوێ‌ سەر بە شاری پیرانشار بەهۆیی كۆنی و خراپی كورەێكی كەلاسیكی  زیاتر لە 30 مندالی چاوگەش و نەوەی داهاتووی وڵاتەكەمان تووشی سوتان بێن و ژمارەیەكیشیان مردن و ژمارەیەكی دیكەش تا ئێستا لەژێر چاودێری پزیشكیدان ، هەروەها ژمارەیەكی زۆری هاولاتیانی ئێران نەخوێندەوارن كە  بە پێی دواین ئامارەكانی رێژەی  نەخوێندەواری لە ئێراند زیاتر  بە 7ملیۆن كەسە  ئەمەش رێژەیەكی ترسناكە و رژێمی ئێران بەپرسیاری یەكەمی ئەم بارودۆخەیە كە خولقاندوویەتی .  

بێگومان مامۆستایانیش  یەكێكن لەو توێژانەی كە ئەركێكی پیرۆزیان  لە سەر شانە ئەویش پەروەردەكردنی نەوەی داهاتووی میللەتە بۆ خزمەتكردنی وڵاتەكەمان ، هەروەك دەزانین رژێمی ئێران لە سەرەتایی هاتنە سەر حكوم بە زوڵم و زۆری دەرهەق بەمیللەتە جۆراو جۆرەكانی ئێرانبەگشتی و  كوردستان بەتایبەتی دەستی پێكرد و لەم پێناوەشدا هەموورێگایەكی گرتۆتەبەر بۆ بێدەنگ كردن و دورخستنەوەی توێژەكانی كۆمەڵگا بەتایبەتی مامۆستایان چونكە ئەوانیش رۆڵ و جێگە و پێگەی خۆیان هەیە و رژێم زۆرجار بە بیانووی جۆراو جۆر هەڵدەستێت بە گرتن و بانگێشت كردنی مامۆستایان بۆ ئیتلاعات و هەروەها رووبەرووی چاوسوركردنەوە و ئەشكەنجە و ئیعدام دەبن ئەمەش بۆ ئەوەی مامۆستایان نەوێرن كە نەوەی داهاتوو دژبە رژێمی ئێران پەروەردە نەكەن و درێژە بەو ئەقڵیەتی خۆیان بدەن كە زیاتر لەسێ دەیەیە بەردەوامە بەلام مامۆستایان لەوە وشیارترن كە رژێمی ئێران بیری لێدەكاتەوە و ئەوانیش لە دەرفەتێك دەگەرێن بۆ ڕووبەرووبوونەوەی رژێمی داگیركەری نەتەوەكەمان .

ئێمە وەك ناوەندی لاوانی خەباتی كوردستانی ئێران دووبارە پیرۆزبایی خۆمان پێشكەش بە سەرجەم خوێندكاران و مامۆستایانی نیشتیمان پەروەری نەتەوەكەمان دەكەین و هیوادارین لە ئاست ئەو بەرپرسیارێتییەدابن كە لە سەر شانیانە .

ناوەندی لاوانی خەباتی كوردستانی ئێران 

2ی رەزبەر

ی 1392

482288_486127674773832_1738012184_n


ڕێکه‌و 2013-09-23 04:38:28
به‌شی ( ئه‌ده‌ب و هونه‌ر )







سیاسی