پەیامی ناوەندی لاوانی خەباتی كوردستان ئێران بە بۆنەی 5ی خەرمانان ساڵرۆژی دامەزراندنی سازمانی خەباتی كوردستانی ئێران!لاوانی خۆشەویست!
 ئێمە لە كاتێكدا ئەم یادە دەكەینەوە كە ناوچەكە بە گشتی و كوردستان بە تایبەتی بە كەش و هەواێكی ئالۆزدا تێدەپەرێت براو خۆشكەكانمان لە كوردستانی رۆژئاوا كەوتونەتە بەر دڕندانەترین و بێرەحمانەترین هێرش لە لایەن تیرۆریستانەوە و لە ژێر ناوی جیهاد گەورەترین كۆمەڵكوژی دژبە خەڵكی ئەو بەشە لە كوردستان بەرێوە دەچێت و رۆژانە بە هەزاران كەس ماڵ و خاكی خۆیان بە جێ دەهێڵن و ئاوارەی سنوورەكان دەبن. گەلی كورد لە كوردستانی ئێرانیش هەر لە سەرەتای بە دەستەوە گرتنی دەسەڵات لە لایەن رژێمە دیكتاتۆرەكەی خۆمەینییەوە كەوتونەتە بەر شاڵاوی سەركوت و داگیركاری و تا بە ئەمرۆیش ئەو جینایەتانەی رژێمی ئاخوندی دەرحەق بە گەلی كورد درێژەی هەیە. ئەمرۆ فشاری ئابووری، بێكاری و ئێعتیاد بە مادە هۆشبەرەكان كە رۆژ بە رۆژ لە لایەن دەسەڵاتدارانی ئەو رژێمەوە لە ئێران بە گشتی و لە كوردستان بە تایبەتی پەرە دەستێنێت، بەرۆكی بە خەڵك گرتووە و ژیانی خەڵكی خستووەتە ئەو پەڕی هەژاری و نەدارییەوە و هەوڵ دەدرێت بە هەموو شێوەێك دەنگی نارەزایەتی بە تایبەت لە ناوو توێژی لاواندا كپ بكرێت. رژێم لە هەر كات زیاتر هەست بە كەترسی دەكات و بە ترساندن و تۆقاندن هەوڵ دەدات بە هەر شێوەێك بێت درێژە بە دەسەڵاتە توتالیترەكەی خۆی بدات و بۆ ئەو مەبەستەش لە هیچ جینایەتێك سڵ ناكات. بۆیە لەم قۆناغە هەستیارەدا مەسئولییەت و ئەركی لاوان لە هەموو كات قۆرسترەو  لاوان دەبێت لە رێگای خۆ تەیار كردن بە زانیاری و هۆشیاری كۆمەڵایەتی و رێكخستنی ریزەكانی خۆیان هەوڵ بدەن بۆ رووخانی ئەو رژێمی دیكتاتۆرە و بە دیهێنانی مافە رەواكانی نەتەوەكەمان. لێرەشەوە داوا لە هەموو ئەندامان و دۆستانی ناوەندی لاوانی خەبات دەكەین كە زیاتر لە رابردوو هەست بە بەرپرسیارەتی نەتەوەیی بكەن و لە ئاست هۆشیاری كۆمەڵگا و دۆستایەتی لەگەڵ باقی لاوانی شۆرشگێری نەتەوەكەمان تێبكۆشن و هەوڵ بدەن بە یەكریزی و تەبایی بەرەوو لۆتكەی هیوا و ئاواتەكانمان هەنگاوو بنێن . جارێكیتر رۆژی 5ی خەرمانان ساڵرۆژی دامەزراندنی سازمانی خەباتی كوردستانی ئێران لە هەموو خەڵكی كوردستان، ئەندامان و لاوان و پێشمەرگە قارەمانەكانی سازمانی خەبات پێرۆز دەكەین و لێرەشەوە پیمان نوێ دەكەینەوە تاكوو گەیشتن بە مافەكانمان درێژەدەری خەباتی رزگاریخوازانەێ‌ گەڵی كورد و رێبازی سازمانی خەبات بێن.

سەركەوێت شۆرشی ئازادیخوازی گەلی كورد
مەرگ و نەمان بۆ دوژمنانی داگیركەری كورد و كوردستان

ناوەندی لاوانی خەباتی كوردستانی ئێران
دەستەی بەرێوەبەری
 5ی خەرمانانی 1392

lawan- sazmani xabat


ڕێکه‌و 2013-08-27 02:39:25
به‌شی ( ئه‌ده‌ب و هونه‌ر )







سیاسی