لاوان لە ئێراندا بەگشتی و كوردستان بەتایبەتی  بە هۆی بوونی رژێمێكی دیكتاتۆر نەك هەر گرینگیان پێ نەدراوە بەلكوو هەولی لەناوبردن و دوركەوتنەوەیان لە كۆمەلگا دەدرێت ، رژێمك كە هەرلەسەرەتاوە بە سەركوت و زولم وزۆر دەسەلاتی گرتەدەست ، رژێمی ئێران هەوڵ دەدات   لاوان بە سود و قازانجی خۆی باربێنێت ،بە جۆرێك ئەو لاوانەی كە بێزاری و نارەزایەتی خۆیان دەردەبرن  لە دەسەلات بە بیانوی جۆراوجۆر یان ئیعدام دەكرێن  یان بێ‌سەرو شوێن دەكرێن  ،بەداخەوە لە ئیستاشدا بەهۆیی بوونی گەمارۆئابورییەكان لە سەر رژیم لاوان رۆژبەرۆژ كێشە و گرفتەكانیان زۆرتردەبێت بۆ نمونە : كێشەی  بێكاری بە پێی ئامارەكان كە بلاوكراونەتەوە لە سەرتای ئەم سالاوە تا ئێستا ١٦ كەس بەهۆیی بێكارییەوە  كۆتاییان بە ژیانی خۆیان هێناوە  زۆرێك لە شارەزایان پێیان وایە بێكاری و هەژاری  ئیعتیاد یەكێكە لە هۆیەكانی خۆكوژی لە ئێراندا و هەروەها  ئیعتیاد بەمادە هۆشبەرەكان سالانە بەهەزاران لاو بەو هۆیەوە  گیان لە دەست دەدەن و رژێمی ئیرانیش نەك هەر هاوكاریان ناكات بەلكو خۆی بەیەكێك لە سەرچاوەكانی دابین كردنی ئەو مادەیە دادەنرێت هەروەها كێشە كۆمەلایەتیەكان وەك تەلاق و توشبوون بە سەدان نەخۆشی ترسناك و گرتن و خستنە زیندان بە بیانوی پەیوەندی لەگەل هێزە نەیارەكانی رژیم و ...هتد ئەو هەزاران كێشەو گرفتانەن كە بەرۆكی بە لاوانی ئێمە گرتووە و بە بوونی وەها رژێمێك هیچ ئاسۆێكی روون و هیوا و ئۆمێدێك بۆ لاوانی ئێمە نەماوەتەوە.
 ئێمه‌ وه‌ك ناوەندی لاوانی خەباتی كوردستانی ئێران دووباره‌ پیرۆزبایی خۆمان پێشكەش بە  سەرجەم لاوانی جیهان و ئێران بەگشتی و كوردستان بەتایبەتی دەكەین وداواش لە هەموو رێكخراوەكانی لاوان لە كوردستان و بەتایبەت كوردستانی رۆژهەڵات دەكەین كە بە یەك دەنگی و رێكخستی رێزەكانمان بۆ بە دێهێنانی مافەكانمان تێبكۆشین.  هیوادارین  كە ساڵی داهاتوو ئەم یادە لە خاك و نیشتمانى  خۆمان بكەینەوە.

ناوەندی لاوانی خەباتی كوردستانی ئێران 
دەستەیی بەرێوەبەری 
12ی ئاكوست 2013