11ی بانەمەر ساڵیادی دامەزراندنی ناوەندی لاوانی خەباتی كوردستانی ئێران بەرزوبەرێزبێت
لاوانی خۆشەوستی كوردستان !

ئێمە لەكاتێدا ئەم یادە دەكەینەوە كە بارودۆخی جیهان بەگشتی و ئێران و كوردستان بەتایبەتی لە دۆخێكی ناجێگیر و هەستیار  دایەو ئەگەری روودانی ئاڵوگۆری قووڵ و بنەڕەتی دەككرێ‌. رۆژبەرۆژ سزا و گەمارۆ ئابووریەكانی سەر ئێران زیاتر دەبێت و گرانی و بێ‌ كارییەكی زۆر دانیشتوانی ئێرانی گرتۆتەوە بێگومان كوردستانیش پارێزراو نەبووە لەو  زیانانەی كە بەهۆی سیاسەتە نادروستەكانی رژێمی ئێران روبەروویی بۆتەوە، رژێمی ئاخوندی لە ماوەی دەسەلاتداریەتی خۆیدا بە جۆرها شێوە لاوانی گیرۆدەیی كۆمەلێك نەخۆشی و خوگرتن بە مادەهۆشبەرەكان لە رێگەی  بلاوكردنەوەی  بێكاریی و نەهێشتنی دەرفەتی سەرقاڵی و بوونی هیوا  تووش كردووە.  زۆر بە ئامانجی نەهێشتنی  هەستی نیشتیمان پەروەری و بیرنەكردنەوە و  هەول دان بۆ روبەروبوونەوەی دەسەلات دارانی ئێران و داوانەكردنی مافەكانیان لە هەر جۆرە ئامرازێكی ترس و تۆقاندن و زیندان و ئیعدام كەڵكی وەرگرتووە.  زۆر روون و ئاشكرایە سیستەمی ئاخوندی لاە ئاكامی سیاسەتە هەڵەكانی ناوخۆیی و دەرەوەیی بەرەورووی قەیرانی یەكجار قووڵ بۆتەوە و لێرەدا ئەركی رێكخراوەكانی تایبەت بە لاوان قورستر دەبێت و پێویستە بە هەموو هێزەوە بەرەورووی ناعەداڵەتیەكان ببینەوە  و هەولی وشیاركردنەوەی زیاتری لاوانی نەتەوەكەمان بدەین و مێژوو بە دەستی خۆمان بنووسینەوە. دیارە ئەو ئامانجەش بە بێ بوونی یەكریزی و یەكدەنگی لاوان نایەتە دی و هەر بۆیە پێویستە بە بێ لەبەرچاو گرتنی لەمپەرە حیزبی و لاوەكیەكان لاوان كوردستان یەكریز بن و هاوهەڵویستی خۆیان بسەلمێنن. ئێمە لە پیناو باشتركردنی دۆخی ئێستای لاوان و بەرەنگاربوونەوەی ناعەداڵەتی و بێ مافیەكان هەموو لاوێكی كورد بە دۆست و هاوكار و هاورێبازی خۆمان دەزانین و لە پێناو یەكگرتوویی زیاتری ریزەكانمان تێدەكۆشین. 

لاوانی شۆڕشگێر !

بێ گومان ناوەندی لاوانی خەباتی كوردستانی ئێران لەماوەی دووسالی رابردوودا سەرەرای كەم و كورییەكانی توانیویەتی  كۆمەلێك كار و چالاكی بەرچاو و ئەنجام بدات و لەوان  دەتواندرێ‌ ئاماژە بە بەشداری چالاكانەی ناوندی لاوانی خەبات   لە كۆنفرانسەكانی دووهەم و سێیەمی لاوانی هەرچوارپارچە كوردستان بكەین و هەروەها بەشداری لە دەیان بۆنە و كۆبوونەوە و ریكخستنی سیمیناری جۆراوجۆر و  دانانی مالپەری سەربەخۆی ئینتەرنێتی بۆ گەیاندنی دەنگی لاوانی كورد لە كوردستانی ئێران لە ریزی ئەو كارانەن كە لاوانی خەبات بەرێوەی بردوون. ئومێد دەكەین بە هەوڵ و تێكۆشانی بەردەوامی لاوانی خوینگەرمی خەبات بتوانین لە جاران باشتر ئەركەكانمان بە جێ بگەێنین و لەو پێناوەدا دەستی هاوكاری و پشتیوانی بۆ سەرجەم لاوانی شۆڕشگێری كوردستانی ئێران درێژ دەكەین.  وێرایی پیرۆزبایی دووبارەمان بەلێن دووپات دەكەینەوە كە درێژە پێدەری رێبازیی پیرۆزی سەرجەم شەهیدانی نەتەوەكەمان دەبین و زیاتر لە جاران خزمەتی لاوان و هەوڵدان بۆ بەدەست هێنانی مافە رەوەكانی گەلەكەمان تێدكۆشین و هیوادارین سالی داهاتوو لە كوردستانی ئازادكراویی خۆماندا ئەم یادە بكەینەوە .

سەركەوی خەباتی رزگاریخوازانەیی نەتەوەكەمان 

ناوەندی لاوانی خەباتی كوردستانی ئێران 

دەستەیی بەرێوەبەری 

11ی بانەمەری 1392

482288_486127674773832_1738012184_n


ڕێکه‌و 2013-05-01 13:45:34
به‌شی ( ئه‌ده‌ب و هونه‌ر )







سیاسی