بەرێوەچوونی یەكەم كۆری گشتی ناوەندی لاوانی خەباتی كوردستانی ئێران
لە راپۆرتی بەرێزیاندا ئاماژە بە بارودۆخی نالەباری لاوان لە كوردستانی رۆژهەلاتدا لە باری كێشەكانی لاوان لە رووی بێكاری و  توشبوون بەمادە هۆشبەرەكان و دەركردنیان لە خوێندگاكان بە بیانووی جۆراو جۆر و بانگێشتكردنیان بۆ ئێدارەی ئیتلاعات و فشار و سەركووتی لەرادەبەدەر لەسەر لاوان كرابوو. لە بەشێكی دیكەی راپۆرتەكەی بەرپرسی یەكەم باسی كارو چالاكیەكانی ناوەدی لاوان لە 6 مانگی رابردوو كراو تێیدا هاتبوو كە هێندێك چالاكی و كار هەبوون كە دەبوایە بكرابان بەلام بەهۆی نەبوونی ئیمكاناتی پێویست بەرێوەنەچوون بەلام لەگەل ئەوەشدا چەندین كۆبوونەوە و كارو چالاكی كراوە كە مایەی پێزانین بوونە.  هەروەها لە پەیوەند بە رێكخراوەكانی دیكەی لاوان بەرپرسی یەكەم لە راپۆرتەكەیدا رایگەیاندبوو كە پەیوەندی یەكی باشمان لەگەل زۆربەی رێكخراوەكانی لاوانی كوردستانی ئێران هەیە و پێویستە هەوڵ بدرێ‌ پەرە بە پێوەندییەكانمان بۆ پارچەكانی تر و هەوەرها لاوانی نەتەوەكانی تری ئێران بدەین  ، هەروەها لەكۆتایی راپۆرتی بەرپرسی یەكەم باسی لە كۆنگرەی لاوانی هەرچوار پارچەی كوردستان كرا كە بریار وایە لەماوەی رۆژانی داهاتوو ببەسترێ‌.

شایەنی باسە لە پەیرەو پرۆگرامی ناوەندی لاوانی خەباتی كوردستانی ئێران دا هاتووە كە كۆری گشتی دەتوانێت بە پێی هەل و مەرج گۆرانكاری لەدەستەی بەرێوەبەریدا بكات هەربۆیە دەستەی بەرێوەبەری لە سێ‌ كەسەوە كرا بە پێنج كەس بۆ باشتر بەرێوەبردنی كارەكانی ناوەندی لاوان و هەوەرها چەندین بابەتی دیكە باس كران و هەریەكە لە ئەندامانی كۆری گشتی راوبۆچوونی خۆیان لە سەر پەرەدان بە كارو چالاكیەكانی ناوەندی لاوان و خاڵە لاواز و بەهێزەكانی ناوەندی لاوانیان دەست نیشان كرد .

 لە كۆتایی كارەكانی كۆری گشتی ئەندامان ناوەندی لاوان  بەلێنیان دووپات كردەوە بۆ زیاتر خزمەت كردنی لاوان و میللەتی كورد تێبكۆشن 

61419_426662670720333_1801222652_n


ڕێکه‌و 2013-03-16 10:24:46
به‌شی ( ڕاپۆرت )







سیاسی