پەیامی ناوەندی لاوانی خەبات بە بۆنەی 8ی مارس رۆژی جیهانی ئافرەتان
 تاكوو لە ساڵی 1975 رۆژی 8ی مارس وەك رۆژی ژن لە لایەن رێكخراوی كۆمەڵی نەتەوەیەكگرتووەكانەوە بە فەرمی دیاری كرا. ئێستا كە زیاتر لە یەك سەدە بەسەر هەوڵەكانی ژنانی خەباتكاردا تێدەپەرێت، دەبینین خەباتی ژنان و بزوتنەوەی فمنیستی گەلێك هەنگاوی كاریگەر و گرنگی لە كۆمەڵگای مرۆڤایەتی ناوە. بە تایبەتی ئەو بزوتنەوە توانیویە لە زۆربەی وڵاتاندا دژبە نەریتە دوا كەوتووەكان و كۆمەڵگای پیاوسالار تێبكۆشێت و دەسكەوتی باشی هەبێت. بە تایبەت لە ماوەی 34 ساڵ دەسەڵاتی رژێمی سەركوتگەری ئاخووندی ژنانی خەباتكار و ئازادیخواز توانیویانە دژبە دەسەڵاتی دژە ژن و دیكتاتۆری ئەو رژێمە بوەستنەوە و لەو پێناوەشدا بە سەدان شەهید و بریندار و زیندانیان پێشكەش بە بزوتنەوەی ژنانی ئێران كردووە. لە كوردستانیش ژنان شان بە شانی پیاوان بۆ بەدی هێنانی مافە نەتەوەییەكانیان و مافە رەواكانی ژنان تێكۆشاون و خەباتیان كردووە و تا ئێستاش ئەو خەباتە بەردەوامە و بە بوونی ژنان لە ناوو ریزی خەباتی نەتەوایەتی ئەو خەباتە دەسكەوتی گرنگی هەبووە و ئەوەیش راستیێكە كە ژنانی كورد لە كوردستان دووقات لە ژنانی دیكە زۆڵمیان لێ دەچێت ، جارێك لەبەر ئەوەی كە ژنن و جارێكیش لەبەر ئەوەی كە كوردن.

لە كاتێكدا یادی 8ی مارس رۆژی جیهانی ژن دەكەینەوە كە رژێمی ئێران لە هەموو كاتێك زیاتر لە قەیرانی ئابووری و سیاسیدایە و رۆژ بە رۆژ لە جیهان تەریك دەكەوێتەوە و چاوەروان دەكرێت لە ئاكامی فشاری گەمارۆ نێونەتەوەییەكان و جیاوازی و كێشەی زۆری نێوان باڵەكانی رژێم لە سەرەتای دەستپێكی هەڵبژاردنەكانی سەرۆك كۆماری لە ئێران، رژێم تووشی ئاڵۆگۆری بنەرەتی ببێتەوە . بۆیە پێویستە ژنانی خەباتكاری كورد بە هاودەنگی و یەكگرتویی، بە دانانی مكانیزمێكی گەنجاوو خۆیان بۆ ئەگەری هەر ئاڵوكۆرێك لە ئێران ئامادە بكەن تا كوو بتوانن لە وەها هەل و مەرجێكدا مافە رەواكانی خۆیان بەدەست بێنن .

ناوەندی لاوانی خەبات و
61419_426662670720333_1801222652_n
ێرای پێشكەش كردنی گەرمترین پیرۆزبایی لە هەموو ژنانی تێكۆشەر و مافخوازی كوردستان و بە تایبەت ژنانی تێكۆشەری ناو ریزەكانی سازمانی خەبات ، داواكارە كە ژنان ریزەكانی خۆیان بۆ پێشخستن و گەیشتن بە مافەكانیان رێك بخەن. 
سەركەوێت خەباتی  ڕزگاری خوازانەی ژنان جیهان  .
ناوەندی لاوانی خەباتی كوردستانی ئێران
دەستەیی بەرێوەبەریی
8ی مارسی 1391

ڕێکه‌و 2013-03-08 02:45:06
به‌شی ( ئه‌ده‌ب و هونه‌ر )







سیاسی