مامۆستا هەر لەتەمەنی لاوێتیدا دەبێتە ئەندامی (ژێ كاف ) و لەوێدا درێژە بەخەباتەكەی دەدا لە پێناو زیاتر خزمەت كردنی  بزوتنەوەی ڕزگاری خوازی نەتەوەی كورد مامۆستا شێخ عیزەدین لە زۆربەی شۆرشەكانی گەلی كوردا بەشداری كردووە و دیارترینیان لە شۆرشی گەلانی ئێران دژی ڕژێمی محمد ڕەزاشا بوو كە  مامۆستا دەورێكی زۆر كاریگەری هەبوو  بەهۆی متمانەی لەرادەبەدەری جەماوەری كوردستان كرا بە پێشەوا سەرۆكی شاندی نوێنەرایەتی گەلی كورد .

جەنابی مامۆستا شێخ عیزەدینی حسینی هەر زوو مەرامەكانی رژێمی تازە دامەزراوی ئێرانی بۆ دەركەوت و ڕایگەیاند كەحكومەتی  كۆماریی ئیسلامی ئێران سیاسەتێكی نادیاری هەیە  و دان نانێ‌ بە مافە رەواكانی خەڵكی كوردستان و هەر بۆیە گەلی ووشیاری كورد بەشداری ئەو ڕیفرادۆمە ی نەكرد كە رژێمی ئێران بەرەورووی گەلانی ئێرانی كردبۆوە .

ناوەندی لاوانی خەباتی كوردستانی ئێران بەبۆنەیی دووهەمین ساڵیادی كۆچی دوایی جەنابی مامۆستا شێخ عیزەدین درود و سلاو دەنێرێت بۆ ڕۆحی پاكی مامۆستا و سەرجەم شەهیدانی كوردستان ، هیوادارین ئێمەی لاوان درێژە پێدەرێكی شیاوی ڕێگە پیرۆزكەی جەنابی مامۆستا و سەرجەم شەهیدان بین.

 

ناوەندی لاوانی خەباتی كوردستانی ئێران

22ی خەرمانانی 1391