راگەیێندراوی فێدراسیونی رێكخراوەكانی لاوانی كوردستانی ئێران بە بۆنەی ئاگركەوتنەوە لە قوتابخانەی گوندی شیناوێ سەر بە پیرانشار و سوتان و بریندار بوونی ژومارەیەکی زۆر لە قوتابیان.
كارەكانیان باش رادەپەڕێنن. ڕووداوی ئاگر كەوتنەوە لە قوتابخانەی منداڵانی گوندی شیناوێی پیرانشاریش بێ گومان هۆكارەکەی دەگەرێتەوە بۆ ئەو سیاسەتەی کە ٣٤ ساڵە بەرپرسانی كۆماری ئیسلامی بە نیسبەت تەندروستی و داهاتوو و پەروەردە و مافەكانی منداڵی كوردەوە دەیکەن كە مێژوەكەی بۆ هەموان ئاشنایە و تەنیا بەشێكە لەو هەڵاواردنە سیستماتیكەی كە لە هەموو بوارەكاندا و لە هەموو قۆناغەكانی تەمەندا بە نیسبەت تاكی كورد و سەرجەم چین و توێژەکانی کۆمەڵگای کوردستانەوە دەكرێت.

ئێمە وەك فێدراسیۆنی رێكخراوەكانی لاوانی كوردستانی ئێران ئەم سیاسەتە دژیگەلیەی بەڕێوەبەرایەتیەكانی كۆماری ئیسلامی لە كوردستان بە توندی مەحكوم دەكەین و بە پاڵپشتی كۆمەڵگای مەدەنی و هەموو ویژدانە هوشیارەكانی كۆمەڵگای كوردستان هەوڵەكانمان دەخەینە گەڕ بۆ ئەوەی لە رێگای هاوكاری و هاوخەمی و گواستنەوەی میدیایی و تاد...، لانی كەم بتوانین ببین بە دەنگی هاواری ئەوان لە ڕێکخراوە مرۆڤی و نیودەوڵەتیەکاندا.

فێدراسیۆنی رێكخراوەكانی لاوانی كوردستانی ئێران

٦/١٢/٢٠١٢1111


ڕێکه‌و 2012-12-06 11:24:53
به‌شی ( ئه‌ده‌ب و هونه‌ر )







سیاسی