پێشتریش له‌ رۆژی ٢٢ی پووشپه‌رِی ئه‌مساڵدا ٩ كه‌س له‌ ئه‌ندامانی به‌رِێوه‌به‌ریی ئه‌نجومه‌نی پیشه‌یی مامۆستایانی پارێزگای كوردستان له‌ شاری سنه‌ به‌ناوه‌كانی "محه‌ممه‌د سه‌دیق سادقی، په‌یمان نه‌ودینیان، په‌رویز ناسێحی، عه‌لی قوره‌یشی، عیزه‌ت نوسره‌تی، كه‌ماڵ فه‌كوورییان، رامین زه‌ندنیا، به‌هادین مه‌له‌كی و مسته‌فا سه‌ربازان" بانگهێشتی دادگا كرابوون. رێكه‌وتی ١٩ی بانه‌مه‌رِی ساڵی ١٣٨٩ی هه‌تاوی فه‌رزاد كه‌مانگه‌ر مامۆستای كورد هاورِێ له‌گه‌ڵ ٤ كه‌سی دیكه‌ له‌ زیندانی "ئێوین"ی تاران له‌ سیداره‌ دران كه‌ دواتر نارِه‌زایه‌تی و مانگرتنی جه‌ماوه‌ری لێكه‌وته‌وه‌.