و ئه‌و دیارده‌یه‌ به‌ شێوه‌یه‌ك ته‌شه‌نه‌ی سه‌ندووه‌ كه‌ مێرمنداڵانی ته‌مه‌ن ١٨ ساڵیش گیرۆده‌ی ماده‌ هۆشبه‌ره‌كان و به‌تایبه‌تی جۆری "شیشه‌" بوون و بنه‌ماڵه‌كانیش وه‌ك مه‌ترسییه‌كی جیدی سه‌یری ده‌كه‌ن و بۆته‌ هۆی نیگه‌رانییان. نموونه‌ی هاوشێوه‌ی دیارده‌ی فرۆشتنی ماده‌ هۆشبه‌ره‌كان له‌ گونده‌كان له‌ ناوچه‌ی ژاوه‌رۆی سنه‌ش له‌ ئارادایه‌ كه‌ به‌پێی سه‌رچاوه‌یه‌كی باوه‌رِ پێكراو شۆرای گوندی "گه‌لێن" له‌ ناوچه‌ی ژاوه‌رۆی سنه‌ به‌ هاوكاریی چه‌ند كه‌سێكی دیكه‌ی سه‌ربه‌ حكوومه‌ت به‌ شێوه‌ی به‌ربڵاو ماده‌ی هۆشبه‌ر بڵاو ده‌كه‌نه‌وه‌ و كۆمه‌ڵێك لاوی ئه‌و گونده‌یان گیرۆده‌ی ماده‌ هۆشبه‌ر كردووه‌.