بەردەوامیی زەخت و گوشاری ئەمنیەتی بۆ سەر خوێندكارانی زانستگای سنە
پێشتر پێنج خوێندكاری دیكە بە بیانووی رێكخەری مانگرتنی خوێندكاران بانگهێشتی حەراسەت كران و هەڕەشەی بێبەش كردن لە خوێندن و دەركرانی لە زانستگایان لێكرابوو.

مانگرتنی خوێندكارانی زانستگای كوردستان بەهۆی خراپیی وەزعی غەزا و بڕینی وادەی غەزای رۆژانی پێنجشەممە بووە، كە لێپرسراوانی زانستگا بە بیانووی كێشەی ئابووری و كەمیی بوودجە ئەو بڕیارەیان دابوو.

سەرچاوەیەكی ئاگادار لەناو زانستگای كوردستانەوە بە هەواڵنێری كوردپای راگەیانده‌، ئێستا پاش دە رۆژ لە روودانی ئەو كێشەیە بەرپرسانی زانستگا رایانگەیاندووە كە بە دوو مەرج غەزای پێنجشەممە دەدەن، یەكەم دەبێ‌ خۆراكی "كونسێرڤ ماسی" یان جووجەی پێشوو بێت كە نرخی هەر پورسێكی دەبێتە ١٥٠٠ تمەن و دووەم نابێ‌ خوێندكارانی كوڕ و كچ لەناو حەوشەی زانستگا پێكەوە رابوەستن.

زیاتر لە ١٠٠٠خوێندكاری زانستگای كوردستان لە سنە بۆ ماوەی دوو رۆژ و رێكەوتەكانی ٣٠ی رەزبەر و ١ی خەزەڵوەر دەستیان دایە مانگرتن و بە وەزعی خراپی غەزا ناڕەزایەتییان دەربڕی.
111111111

ڕێکه‌و 2012-10-31 10:37:13
به‌شی ( هه‌واڵه‌کان )







سیاسی