رێکخراوی لاوانی خەبات ی كۆردستانی ئێران و یەکیەتی لاوانی دیموکراتی کوردستانی ٸێران کۆبوونەوە

رۆژی دووشەممە 22ی رێبەندانی 1397 هەیٸەتێکی رێکخراوی لاوان بە مەبەستی نوێکردنەوەی پێوەندی نێوان هەر دوو ریکخراوی لاوانی خەبات و یەکیەتی لاوانی دیموکراتی کوردستانی ٸێران پێكەوە كۆبوونەوە.



شاندی رێکخڕاوی لاوان بە سەرپەرشتی بەرێز فواد جەعفەری بەرێوەبەری رێکخراوی لاوان و هاورێیەتی کاک شەماڵ میللی و خاتوو فرمێسک ٸەردەڵان ٸەندامانی دەستەی بەرێوەبەری لاوان سەردانی سکرتاریەتی یەکیەتی لاوانی حدکایان کرد و لە لایەن بەرێز عۆمەر فەخرەدین فەر و هەیٸەتی هاورێیەوە پێشوازی گەرمیان لێ کرا.



جێگەی باسە هەیٸەتی رێکخراوی لاوان وێرای پێشكەش كردنی پیرۆزبایی بەستنی کۆنگرەی نۆهەمی یەکیەتی لاوان، هیوایان خواست کە لە داهاتوودا بە کاری هاوبەش هەوڵ بدەن بۆ یەکریزی و یەک گۆتاری نێوان لاوان لە کوردستانی ٸێران و رۆژەڤ کردنی خەبات بە تایبەت لە نێو لاوان لە کوردستانی ٸێران.



هەروەها بەرێز عۆمەر فەخرەدین فەر وێرای بەخێر هاتنی گەرمی هەیٸەتی رێكخراوی لاوانی خەبات ی كوردستانی ئێران باسێکی لە سەر دوایین گۆرانکاریەکانیان دوای بەستنی کۆنگرەكەیان کرد و جەختیشی لە سەر کاری هاوبەشی لەنێوان رێکخراوەکانی تایبەت بە لاوان و درێژەدان بە دۆستایەتی و کاری هاوبەشی نێوانیان كردەوە.



شایانی باسە کە لە کۆبوونەوەکە تیشک خرایە سەر سیاسەت و پیلانەکانی رژێمی ٸاخوندی دەرحەق بە لاوانی کورد و ٸاماژەش بەو ڕاستیە كرا کە لاوان زەرەرمەندی یەکەمی ٸەو سیاسەتە سەرکۆتگەرانەن.



هەر دوو هەیٸەت هیوایان خواست کە لاوانی كوردستان زیاتر لە رابردوو بەرانبەر ستەمکاریانەی رژێم هەڵوێست بگرن و كاردانەیان هەبێ‌ و رێکخراوەکانیش هەوڵ بدەن بۆ هەرچی زیاتر وریا کردنەوەی لاوان لە کۆردستانی ٸێران.



لەكۆتاییدا وێرای پێداگری لە سەر زیاتر نزیک بوونەوەی لاوانی کوردستانی ٸێران كۆبونەوەكە لە کەشێکی دۆستانەدا کۆتایی پێ هات.

ڕێکه‌و 2019-02-13 18:36:17
به‌شی ( چالاکیه‌کان )







سیاسی