رێكخراوی لێبوردنی نێونەتەوەیی سەبارەت بە ئێعدامی لاوێكی كورد وریایی دا  


 


لێبوردنی نێونەتەوەیی رۆژی پێنجی خاكەلێوەی 1395 لە راگەیەندراوێكدا، سەبارەت بە ئێعدامی لاوێكی كورد بە ناوی هێمن هەورامی نژاد، لەلایەن دەزگا سەركوتگەرەكانی رژێمی ئێرانەوە وریایی دا.

لە بەشێكی ئەو راگەیەندراوەدا هاتووە: لاوێكی ئێرانی بە ناوی هێمن هەورامی نژاد، مەترسی ئێعدامی لەسەر بە هۆی تاوانێك كە لە تەمەنی مێرمنداڵیدا تووشی بووە. وەك دەگوترێ ناوبراو لە دوای تەحتیلاتی ئێزدەبەدەر ئێعدام دەكرێ.

هێمن هەورامی نژاد لە مانگی ئوتی 2012 كە 17 سالی تەمەن بوو، بە كوشتنی لاوێك تاوانبار دەكرێ و حوكمی ئێعدامی بە سەردا دەسەپێندرێ. ناوبراو لە ئێستادا 21 ساڵیەتی و لە بەندیخانەی سنە چاوەرێی جێبەجێ كردنی حكومەكەی دەكا. 

وەك دەگوترێ لە كاتی گرتنەكەی دا، شكەنجەیەكی زۆر دەكرێ كە ئاساری برین بە روخسار و لەشیەوە دیار بووە.

ڕێکه‌و 2016-04-01 20:03:02
به‌شی ( ڕاپۆرت )







سیاسی