كۆبوونەوەی بەرێز كاك بابەشێخ حوسێنی لەگەڵ رێكخراوی لاوانی خەباتی كوردستانی ئێران سەرلەبەیانی رۆژی هەینی كاتژمێر 10 لە بارەگای ناوەندی سازمانی خەبات لە ناحیەی رزگاری بەرێز كاك بابەشێخ حوسێنی بەرێوبەری گشتی سازمانی خەباتی كوردستانی ئێران بەمەبەستی پیرۆزبایی كردن بەبۆنەی 11ی بانەمەر چوارەمین سالرۆژی دامەزراندنی رێكخراوی لاوانی خەبات لەگەڵ بەرپرس و بەرێوەبەران و بەشێك لە ئەندامانی رێكخراوی لاوان كۆبوویەوە.
لە سەرەتای كۆبوونەوەكەدا بەرێز كاك بابەشێخ بەبۆنەی 11ی بانەمەر چوارەمین سالرۆژی دامەزراندنی رێكخراوی لاوانی خەبات پیرۆزبایی لە ئەندامان و دۆستانی لاوانی خەباتی كرد و هیوای سەركەوتنی زیاتری بۆ خواستن وكاروچالاكیەكانی رێكخراوی لاوانی لەماوەی ساڵانی رابردوو بەرز نرخاند و ووتی ، پێویستە زیاتر لە جاران كاروچالاكی بكەن بۆ خزمەتكردنی لاوانی كوردستان هەر لەو پەیوەندیەشدا چەندین پێشنیاری جێگەی بایەخی خستە روو. هەر لەو كۆبوونەوەیەدا بەرێز كاك بابەشێخ دەورونەخشی لاوانی لە بەرەوپێشبردنی كۆمەلگا و شۆرش و بەرگریكردن لە مافەرواكانی نەتەوەكەمان بە جێی شانازی وەسف كرد و هیوای خواست لاوان لەپاڵ ئەركە شۆرشگێرییەكەیان ،خۆیان لە زانست و خوێندن بێبەش نەكەن و گرینگی زیاتر بدەن بەو بوارە.
لە پاشاندا بەرێز كاك ئارام سلێمانی بەرپرسی رێكخراوی لاوانی خەباتی كوردستانی ئێران خۆشحال خۆیی بەو سەردانەی بەرێزیان دەربڕی و وێرای باسێك سەبارەت بە بارودۆخی لاوان لە ئێران بەگشتی و كوردستان بەتایبەتی لە پێوەند بە كاروچالاكیەكانی رابردوو و داهاتووی رێكخراوی لاوان قسەی كرد و هیوای خواست كە سازمانی خەبات زیاتر لە رابردوو پالپشت و هاوكاریی بەرنامە و پرۆژەكانی رێكخرای لاوانی خەبات بێ.
لە كۆتایی كۆبوونەوەكە بەرێز كاك بابەشێخ دووبارە پیرۆزبایی خۆی بەبۆنەی11 ی بانەمەر ساڵرۆژی دامەزراندنی رێكخراوی لاوان پێش كەش كرد و پێشتیوانی خۆشی بۆ رێكخراوی لاوانی خەبات دووپات كردەوە. صورةصورةصورة
ڕێکه‌و 2015-04-30 13:50:25
به‌شی ( چالاکییه‌کان )







سیاسی