رێورەسمی كردنەوەی دووهەمین كۆنگرەی ناوەندی لاوانی خەبات رۆژی پێنج شەممە رێكەوتی 16ی رێبەندانی 1393 لەبارەگای ناوەندی سازمانی خەبات ی كوردستانی ئێران بە ئامادەبوونی بەشێك لە ئەندامانی سەركردایەتی رێورەسمی كرانەوەی دووهەمین كۆنگرەی ناوەندی لاوانی خەبات بەرێوە چوو.
رێورەسمەكە بە دەقیقەیێك وێستان بۆ رێزگرتن لە روحی پاكی شەهیدان دەستی پێكرد و ...
پاشان سرودی كوردم ئەمن پێش كەش كرا. پاشان بەریز كاك فوئادی جەعفەری بەرپرسی پێشووی ناوەندی لاوانی خەبات پەیامی كردنەوەی كۆنگرەی دووهەمی ناوەندی لاوانی پێش كەش كرد كە تێیدا وێرای بە خێرهاتنی میوانەكان ئاورێكی كورتی لە دامەزران و كار و تێكۆشان و ئەركەكانی ناوەندی لاوان دایەوە. لە پاش ووتەكانی بەرپرسی پێشووی ناوەندی لاوان پەیامی كومیتەی ناوەندی سازمانی خەبات ی كوردستان لە لایەن بەرێز كاك بێهروز ئەردەڵان كارگێری كومیتەی ناوەندیی پێش كەش كرا. بەرێز ئەردەڵان لە ووتەكانی دا وێرای پیرۆزبایی كردن بە بۆنەی بەستنی دووهەم كۆنگرەی ناوەندی لاوان و هیوای سەركەوتن و بەرەوپێش چوونی زیاتر لە راست ئەركەكانی لاوان لە ریزەكانی سازمانی خەبات ی كوردستان ئاماژەی بە زەرورەتی پێكهاتنی ناوەندێك كرد كە هێز و تواناكانی لاوانی تێكۆشەری كوردستانی تێك رێكبخرێ‌ و لەگەڵ ئەوەی كە خەباتی نەتەوەیی بەرەوپێشەوە ببەن ، بۆ ماف و داوا سینفیەكانی لاوانیش لەهەوڵ و تێكۆشاندا بن. كارگێری كومیتەی ناوەندی سازمانی خەبات وێرای چاوخشاندنێك بە سەر چالاكیەكانی ناوەندی لاوان ووتی: پێویستە لەم كۆنگرەیە دا خاڵە لاوازییەكان وەلابنرێن و خاڵە بەهێزەكانیش بە هێزتر بكرێن و سنووری كارو تێكۆشانی لاوان پەرەی پێبدرێ‌. هەروەها پاڵپشتی و پشتیوانی سازمانی خەبات ی كوردستانی بۆ ئەندامانی كۆنگرەی دووهەمی ناوەندی لاوان دووپات كردەوە و هیوای بەستنی كۆنگرەیێكی پڕ لەدەسكەوتی بۆ خواستن.
لەدوای پێش كەش كردنی پەیامی كومیتەی ناوەندی پەیامی رێكخراوی ئافرەتانی سازمانی خەبات لە لایەن بەرێز خاتوو سەحەر قاسمزادە ئەندامی دەستەی بەرێوەبەری رێكخراوی ئافرەتان پێش كەش كرا.
پاشان كورتە فیلمێكی وێنەیی لەسەر كار و چالاكیەكانی نێۆان كۆنگرەی یەكەم تا كۆنگرەی دووهەمی ناوەندی لاوان پێشانی ئامادەبووانی رێورەسمە كرا.
پاشان كۆتایی بە رێورسمی كردنەوە هات و كۆنگرەی دووهەمی ناوەندی لاوان لە ژێر ناوی كۆنگرەی یەكریزی و سەركەوتن بە رەسمی دەستی بەكارەكانی كرد.صورة
ڕێکه‌و 2015-03-02 03:02:25
به‌شی ( چالاکییه‌کان )







سیاسی