خوێندکارانی زانکۆی پەیام‌نووری مەریوان خوازیاری دیاریکردنی مافی چارەنووس بۆ نەتەوەی کورد بوون لە رێوڕەسمی ساڵڕۆژی ١٦ی سەرماوەزدا لە زانکۆی پەیام‌نووری مەریوان، خوێندکاران خوازیاری نەهێشتنی هەڵاواردن و ئاسمیلاسیۆنی دژ بە خویندکاران و دیاریکردنی مافی چارەنووس بۆ نەتەوەی کوردبوون. بەپێی راپۆرتی هەواڵدەریی کوردپا؛ رۆژی یەکشەممە رێکەوتی ١٦ی سەرماوەز لە بە بۆنەی رۆژی خوێندکار، رێوڕەسمێک بەڕێوەچوو، کە تیایدا خوێندکارانی کورد خوازیاری دیاریکردنی رۆژێکی تایبەتی بۆ خوێندکارانی کورد بوون. لەو رێوڕەسمەدا کە، وەیسی بەرپرسی زانکۆ و چەند بەرپرسێکی ئەمنەیتی ئامادەی بوون، چەند وتار و بابەت لەلایەن خوێندکارانی کوردی ئەو زانکۆیەوە خویندرایەوە. ئارام فەتحی، چالاکی فەرهەنگیی کورد، لەو رێوڕەسمەدا سەبارەت بە بزووتنەویە خوێندکاری و هەروەها دیاریکردنی رۆژێکی تایبەت بۆ رۆژی خویندکارانی کورد گوتابێژیی کرد. دەگوترێ لە کاتی گوتاربێژیی بەرپرسی بەشی بەسیجی زانکۆدا، خوێندکاران بەنیشانەی ناڕەزایەتی دەربڕین بە هەڵسووکەوتی بەسیج لە زانکۆدا، ریوڕەسمەکەیان بەجێهێشت و دواتر گەڕانەوە بۆ نێو کۆبوونەوەکە. لە کۆتایی ئەو ریوڕەسمەدا خوێندکارانی بەشدار بۆ ئازادکرانی دانا لەنجاوایی، خوێندکاری زیندانی‌کراوی خەڵکی مەریوان، واژۆیان کۆکردەوە. هەروەها بەییانامەی خویندکارانی کوردی ئەو زانکۆیەوە لەلایەن مەیسەم جەوانمیرییەوە خوێندرایەوە، کە ئاماژە بە رۆژی خویندکار وەکوو رۆژی زانست بەدژی نەزانی کراوە، کە زانکۆی کردۆتە سەنگەری مرۆڤایەتی بە دژی هۆڤیەتی (بربریت). لە بەشێکی ئەو بەیاننامەیەدا، هەر چەشنە هەڵوێستی دژە ئینسانی، ستەمی نەتەوایەتی، ئاسمیلاسیۆن بەدژی خویندکارانیان مەحکووم کردووە و رایانگەیاندووە شێلگیرانە بەدواداچوون بۆ بە فەرمی ناسینی دیاریکردنی مافی چارەنووسی نەتەوەی کورد لەلایەن دەسەڵاتەوە دەکەن. صورة ڕێکه‌و 2014-12-08 10:30:18
به‌شی ( ڕاپۆرت )







سیاسی