پەیامی ناوەندی لاوانی خەباتی كوردستانی ئێران بەبۆنەی رۆژی جیهانی لاوان 12ی ئاگۆستی هەمووسالێك لە جیهاندا بە رۆژی جیهانی لاوان دادەنرێت دیاری كردنی ئەم رۆژە بۆ 14 سال لەمەوبەر دەگەرێتەوە كاتێك لە سالی 2000رێكخراوی نەتەوەیەكگرتووەكان بەفەرمی 12ی ئاگۆستی بە رۆژی جیهانی لاوان دیاریكرا لەم رۆژەدا لاوان لە سەرانسەری جیهان ئەم یادە بەرز رادەگرن و لە زۆربەی ولاتانی جیهان چالاكی و كاری هەمەجۆر بەرێوە دەچێت . هەر بەوبۆنەیەوە ناوەندی لاوانی خەباتی كوردستانی ئێران گەرمترین پیرۆزبایی بە لاوانی نیشتیمان پەروەر و خۆراگری ئێران بەگشتی و كوردستان بەتایبەتی دەكات . هیوادارین زیاتر لە جاران رۆل و ئەركی نیشتیمان پەروەریان بەجێ‌ بگەیەنن و لەبەرامبەر ستەمەكانی رژێمی ئێران بێدەنگ نەبن .
صورةبێگومان لاوانی كوردستان هەمیشە سەرمەشقی جوڵانەوە و شۆرش و راپەرینەكانی كورد بوون و بە درێژایی مێژووی خەباتی رزگاریخوازانەی نەتەوەكەمان رۆل و ئەركیان دیار و بەرچاو بووە و لە ئێستاشدا هەر درێژە پێدەری ئەو رۆل و ئەركەی خۆیانن هەروەها لە مەیدانی كاری سیاسیشدا توانیویان دەورێكی بەرچاو بگێرن لە خزمەتكردنی نەتەوەكەیان لاوانی خۆشەویست ئێمە لە كاتێكدا ئەو یادە دەكەینەوە كە ناوچەكە بەگشتی و بەتابەت كوردستان بە بارودۆخێكی هەستیاردا تێدەپەرێت . ئەم بارودۆخە ناهەموارە كاریگەری لەسەر سایكۆلۆجی لاوی كورد داناوە و بەم بۆنە ناهەموارەوە لەگەل چەندین گرێ و گۆلێ‌ سیاسی و كۆمەلایەتی و ئابووری بەرەوروون . لەگەل هەموو ئەو كێشانە لاوان بە دەست نەخۆشی مەترسیداری ئیعتیاد دەنالێنن و رژێم بە پلانی جۆراو جۆر ئەم دیاردەی لە ناو كۆمەڵگا پەرە پێداوە . هەروەها دەستگیركردن و ئیعدامی بە لێشاوی لاوی كورد بە بیانووی جۆراوجۆر و بلاوبوونەوەی بێكاری بە شێوەیەكی بەرچاو و كۆلبەری و چەندان كێشەی دیكەن كە لاوانی كوردستانی ئێران تووشی هاتوون ناوەندی لاوانی خەباتی كوردستانی ئێران بۆ وشیاركردنەوەی لاوانی وڵاتەكەمان ئەو پەری هەولی خۆی خستۆتە گەر سیاسەتە ئەهریمەنیەكانی رژێمی ئاخوندی بۆ لەقاوداون . لەم پێناوەدا لە رێگەی ماڵپەر و هەستەی تەشكیلاتی ناوەندی لاوانی خەباتی كوردستانی ئێران لە ناوخۆ هەولی داوە لاوانی كورد بە مافەكانیان ئاشنا بكات و نەكەونە ناو ئەو داوە تەندراوەی كە رژێم بۆ ناونەتەوە . دووبارە بەبۆنەی رۆژی جیهانی لاوان گەرمترین پیرۆزبایی پێشكەش بە لاوانی جیهان و ئێران بەگشتی و كوردستا ن بەتایبەتی دەكەین هیوادارین سالی داهاتوو ئەم یادە لە ولاتی ئازاد كراوی خۆماندا بكەینەوە
ناوەندی لاوانی خەباتی كوردستانی ئێران دەستەی بەرێوەبەری 12ی ئاگۆستی 2014 22ی گەلاوێژی 1393
ڕێکه‌و 2014-08-12 12:47:27
به‌شی ( به‌یاننامه )







سیاسی