به‌ هۆى دووپشك ونه‌بوونى ده‌رزى دژه‌ ژه‌حر مندالێك مرد لەشاری ئیلام مێرمنداڵێكی تەمەن ١٥ ساڵەی كورد بە هۆی پێوەدانی دووپشك و نەبوونی دەرزیی دژەژەهر و بێبەری بوونی ئەو شارە لە كەلوپەلی پزیشكی، گیانی خۆی لەدەست دا. بەپێیراپۆرتى هه‌واڵده‌رى حكومه‌تى مێهر، رۆژی دووشەممە رێكەوتی ١٦‌ی پووشپەڕ مێرمنداڵێكی ئیلامی بەناوی ئارمین محەمەدیان بەهۆی پێوەدانی دووپشكەوە لەئاوایی "ئاوهەنار" كۆتایی بەژیانی هات. لەكاتی گەڕاندنەوەی ئارمین بۆ ماڵەوە، ژەهری دووپشكەكە سەرجەم جەستەی گرتۆتەوە و تێكەڵ بە خوێنی بووە و دواتر دەستبەجێ‌بردراوەتە شاری ئابدانان و لەوێشەوە رەوانەی ناوەندی بێهداشتی ئوستان كراوە. دێهێاری ئاوایی ئاوهەنا لە لێدوانێكدا بۆ هەواڵدەریی مێهر، پێڕانەگەیشتنی پزیشكی بە هۆكاری مەرگی ئەو مێرمنداڵە لەقەڵەم داوە و وتوویەتی: نەبوونی ئامبووڵانس لە بەخشی موورمووری، هۆكارێكی دیكەی ئەو رووداوە دڵتەزێنەیە. بەوتەی محەممەد كەمەری، پێشتریش چوار كەسی دیكە بەهۆی ژەهری دووپشكەوە گیانیان لەدەست داوە و سەرەڕای نووسینی نامە و ئاگاداركردنەوەی ناوەندە پێوەندیدارەكان، تەنانەت دەرزی دژەژەهر لە بەخشی موورمووری و ئاوهەناریش دەست ناكەوێ‌. كەمیی ئیمكاناتی بێهداشتی و كەرەسەی دەرمانی لەزۆربەی ناوچە كوردنشینەكان بۆتە قەیران و هاووڵاتییانی كورد بە بەردەوامی مەترسیی گیانیان لەسەرە. صورة ڕێکه‌و 2014-07-08 14:29:47
به‌شی ( هه‌واڵه‌کانی کوردستان )







سیاسی