به‌شداری به‌رێوه‌به‌رى گشتى سازمانى خه‌بات له‌ كۆبوونه‌وه‌ێكى به‌رفراوان له‌ وه‌لاتى پاریس
رۆژی شه‌ممه‌ رێكه‌وتی ٢٧-٦-٢٠١٤ی زایینی، وه‌ك هه‌موو سالێك سازمانی موجاهدینی خه‌ڵكی ئێران، كۆبوونه‌وه‌ێكی به‌ر چاوی له‌ شاری پاریس پێته‌ختی فرانسه‌ به‌رِێوه‌برد كه‌ له‌و دا زیاتر له‌ ٥٠٠ سه‌ناتۆرِ و پارِلمانتار و سه‌رۆك شاره‌وانی و كه‌سایه‌تی هونه‌ری و سیاسی به‌رچاوی زۆربه‌وی وڵاتانی ئوروپایی و ئه‌مریكایی و عه‌ره‌بی و رێبه‌ر و سه‌ركرده‌ی زۆر لایه‌نی سیاسی و خه‌باتگێر، یه‌ك له‌وان به‌رێز كاك بابه‌شێخ حسێنى به‌رِیوه‌به‌ری گشتی سازمانی خه‌باتی كوردستانی ئێران وئه‌ندامانی سه‌ركردایه‌تی وكادرو به‌رپرسانی سازمان تیایدا، به‌شدار بوون و له‌ سه‌ر پشتیوانی له‌ خه‌باتی ره‌وای سه‌رانسه‌ری ئێران له‌ دژی رژیمی ئاخوندی وتاریان دا. بۆ به‌شداری كردن له‌م كۆرِه‌ به‌رچاوه‌ له‌ هه‌موو وڵاتانی دنیاوه‌، تاراوگه‌ نشینانی ئێرانی و باقی ولات و گه‌لانی دنیا هاتبوون. له‌سه‌ر بانگهێشتی سازمانی موجاهیدینی خه‌ڵقی ئێران به‌رێز كاك بابه‌شێخ حسێنی به‌رێوه‌به‌ری گشتی سازمانی خه‌بات به‌شداری له‌و كۆبوونه‌وه‌یدا كرد و وێرای چاوپێكه‌وتن له‌گه‌ڵ خاتوو مه‌ریه‌می ره‌جه‌وی سه‌رۆك كۆماری هه‌ڵبژێردراوی شۆرای میللی موقاومه‌تی ئێران و به‌شێكی به‌رچاو له‌ ئه‌ندامانی شۆرای میللی موقاومه‌ت و به‌رپرسانی سازمانی موجاهیدینی خه‌ڵق له‌ ده‌ره‌وه‌، چاوی به‌ زۆرێك له‌ سیاسه‌تمه‌دار و سه‌ناتۆر و په‌رله‌مانتارانی میوان له‌و كۆبوونه‌وه‌یه‌ كه‌وت و له‌سه‌ر سازمانی خه‌بات وخه‌باتی كورد له‌ كوردستانی ئێران له‌گه‌ڵیان كه‌وته‌ دیاڵوگ و ووتووێژه‌وه‌. جێگه‌ی باسه‌ هه‌ر به‌م بۆنه‌وه‌ له‌سه‌ر داوای كومیته‌ی ئوروپای سازمانی خه‌باتی كوردستانی ئێران، ئه‌ندامان و لایه‌نگرانی سازمانی خه‌بات له‌ كومیته‌كانی كانادا، نۆروێژ، سوئێد و فه‌نلاند و ناوه‌ندی لاوان و ئافره‌تانی سازمانی خه‌بات له‌ كۆمیته‌ی نۆروێژ، به‌شێكی به‌رچاوی دۆستانی سازمان، به‌ شیوه‌ێكی به‌رچاو به‌شداریان كرد. له‌م رۆژه‌دا ئه‌ندامان و لایه‌نگرانی سازمانی خه‌بات، وێرای به‌رزكردنه‌وه‌ی ئاڵای شه‌كاوه‌ی كوردستان، له‌ به‌رچاوترین شوێنی ئه‌م كۆرِه‌دا،بۆ قسه‌ و باس له‌ سه‌ر به‌رنامه‌ و سیاسه‌ته‌كانی سازمانی خه‌بات ، مێزێكی پرِ له‌ كتێب و نوسراوه‌وه‌كانی سازمان وه‌ك تێكۆشان، په‌یره‌و و پرِۆگرامی سازمان و گۆڤاری تروسكه‌ی هیوا بڵاو كراوه‌ی ناوه‌ندی لاوان و رێكخراوی ئافره‌تانی سازمانی خه‌بات یان له‌ ناوه‌ندی ئه‌و رێ و ره‌سمه‌دا كه‌ به‌ ئالای كوردستان و ئارمی سازمانی خه‌باتی كوردستانی ئێران رازێندرا بۆوه‌ . شایانی باسه‌ هه‌ر كام له‌ به‌رێزان كاك جه‌لال خوشكه‌لام ئه‌ندامی كومیته‌ی ناوه‌ندی و به‌رپرسی كومیته‌ی ئوروپای سازمان و كاك رێبوار حوسه‌ینی ئه‌ندامی كومیته‌ی ناوه‌ندی و به‌رپرسی پێوه‌ندیه‌كانی ده‌ره‌وه‌ی سازمان هاوریه‌تی به‌رێوه‌به‌ری گشتی سازمان بوون هه‌روه‌ها له‌ په‌راوێزی ئه‌و رێ وره‌سمه‌ جه‌ماوه‌ری و به‌رینه‌ چه‌ند كه‌س له‌ كادره‌كانی سازمان كه‌ بریتی بوون له‌ خوشكه‌ تابان شه‌ریعه‌تپه‌نا به‌ر پرسی كومیته‌ی كانه‌دای سازمان و خوشكه‌ شنۆ شه‌ریعه‌تپه‌نا ئه‌ندامی كومیته‌ی نوروێژی سازمانی خه‌باتی كوردستانی ئێران پیشانگای رۆژنامه‌و بڵاوكراوه‌ی سازمانی خه‌بات به‌ زمانه‌كانی: كوردی ، فارسی، ئینگلیسی، عه‌ربی، سوئیدی و نۆروێژی به‌رێوه‌برد و سیاسه‌ت و به‌رنامه‌كانی سازمانی خه‌بات بۆ خوازیاران روونكرده‌وه‌
صورةصورة
صورة صورة
ڕێکه‌و 2014-07-05 18:45:16
به‌شی ( ڕاپۆرت )







سیاسی