مەرگی زیندانییەكی ٢٣ ساڵەی بەلووچ بە هۆی ئەشكەنجەی لە رادەبەدەر

 لەزیندانی ناوەندیی زاهیدان، چالاكێكی سیاسیی بەلووچ بەهۆی "ئەشكەنجە لە زیندانی تاكەكەسی"‌دا گیانی لەدەست دا. بەپێی راپۆرتی هەواڵدەریی كوردپا، كۆتاییەكانی حەفتەی رابردوو زیندانییەكی بەلووچ بەناوی "هەمزە نارووئی"، كە ماوەی چوار مانگ بوو لە زیندانی تاكەكەسیدا راگیرابوو، گیانی لەدەست دا. ئەو زیندانییە سیاسییە تەمەن ٢٣ ساڵەیە، سەرەڕای بێبەریبوون لە چاوپێكەوتن و پێوەندیی گرتن لەگەڵ بنەماڵەكەی، لەدۆخێكی زۆر خراپدا لە گرتووخانەی زاهیدان راگیرابوو. چالاكانی مافی مرۆڤ و دێمۆكراسی لەئێران، هۆكاری مەرگی ئەو هاووڵاتییە بەلووچەیان بە هۆی" ئەشكەنجەی لە رادەبەدەر لەژووری تاكەكەسی زاهیدان" لەسەر بڕیاری "سرگوڵ‌زای" جێگری دادستانی ئوستانی سیستان و بەلووچێستان راگەیاندووە. هەتا ئێستا هیچ ناوەندێكی حكوومەتی مەرگی ئەو زیندانییە سیاسییە و هەروەها هۆكارەكەیان رانەگەیاندووە.

صورة

  ڕێکه‌و 2014-07-05 10:54:23
به‌شی ( هه‌واڵه‌کانی کوردستان )







سیاسی