پەیامی ناوەندی لاوانی خەباتی كوردستانی ئێران بەبۆنەیی 7ی پوشپەڕ سالرۆژی كیمیابارانكردنی شاری سەردەشت 7ی پوشپەری 1366 هەتاوی بەرامبەر بە 28ی 6ی 1987 زاینی كاتژمێر 4:30سەر لەئێوارە هێزە ئاسمانیەكانی رژێمی بەعسی لەناوچوو بەچەكی كیمیاوی بۆمبارانی شاری سەردەشت و گوندەكانی دەوروبەری كرد كە لە ئەنجامی ئەو هێرشە زیاتر لە 8 هەزار كەس بریندار و وە زیاتر لە 130 كەسی دیكە شەهیدكران .
ئێمە وەك نەتەوەی كورد بەدرێژایی مێژوو لەلایەن رژێمە داگیركەرەكاندا چەوساوینەتەوەو بەردەوام ستەم و نادادپەروەریمان لە بەرامبەردا كراوە وتەنانەت گەیشتۆتە ئاستێك بۆ نەهێشتنی نەتەوەیەك بەناوی كورد لەم پێناوەشدا بەهەزاران روداوی دڵتەزێن وناخۆشمان بەسدا هاتووە ، بەلام هەندێك لەو روداوانەی كە بەسەر نەتەوەی كوردا هاتووە هەرگیز ناتوانین لە بیریان بكەین .كیمیابارانكردنی سەردەشتیش یەكێكە لەو روداوا دڵتەزێنانەی ئەگەرچی 27 ساڵ تێدەپەرێت بەسەر یدا كەچی ساڵ بەدوای ساڵ زامەكانی ئەو روداوە لەدڵماندا نوێدەبێتەوە ، هەرگیز لە یادمان ناچێتەوە ، بێگومان زیان لێكەوتوانی ئەو روداوە تائێستاشی لەگەلدابێت بەدەست ئازار و برینەكانیان دەنالێنن ،لەلایەكی دیكەشەوە زۆرێك لەو بەركەوتوانە لە بارودۆخێكی دەرونی نالەباردان نەك هەر لە لایەن هەردوو دەوڵەتی ئێران و عیراق ئاورێكی جدیان لێنەدراوەتەوە بەلكو كەمتەرخەمیەكی زۆربەدی دەكرێت لەبەرامبەر بریندارانی ئەو روداوە لەدابین نەكردنی دەرمان و كەرەستەی پێویست بۆ چارەسەركردنیان بە تایبەتی لەلایەن رژێمی ئێرانەوە .
ناوەندی لاوانی خەباتی كوردستانی ئێران لە سالرۆژی كیمیابارانكردنی شاری سەردەشت درود و سلاو دەنێرێت بۆ رۆحی پاكی شەهیدان وهیوای زووچاك بوونەوە بۆ بریندارانی ئەو رەداوە دەخوازین هیوادارین هەولی بەجینۆسایدكردنی ئەم روداوە لە ناوەندە نێودەوڵەتیەكان زیاتر چر بكرێتەوە وە هیوادارین هەرگیز روداوێكی لەم چەشنە لە جیهاندا بەسەر هیچ نەتەوەیەكی دیكەدا دوبارەنەبێتەوە .
ناوەندی لاوانی خەباتی كوردستانی ئێران 
دەستەیی بەرێوەبەری 
7ی پوشپەری 1393

صورة
ڕێکه‌و 2014-07-01 03:23:04
به‌شی ( به‌یاننامه )







سیاسی