11ی بانەمەڕ سێ هەمین ساڵیادی دامەزراندنی ناوەندی لاوانی خەبات پیرۆز بێت! 482288_486127674773832_1738012184_n

لاوانی خەباتكار و ئازادیخوازی كوردستان!
ئەندامان و دۆستانی ناوەندی لاوانی خەبات!
11ی بانەمەڕی 1393ی كۆچی خۆری سێ ساڵ بەسەر دامەزراندنی ناوەندی لاوانی خەباتدا تێدەپەرێت و بەم بۆنەوە پێرۆزبایی لە هەموو لاوێكی كورد و بە تایبەتی ئەندامانی دڵسۆزی ناوەندی لاوان دەكەین.
ناوەندی لاوانی خەباتی كوردستانی ئێران لە 11ی بانەمەری 1390 بە هەوڵ و تێكۆشانی كۆمەڵێكی بەرچاو لە ئەندامان و پێشمەرگەكانی سازمانی خەبات بە مەبەستی كار و تێكۆشان لە پێناو وەدیهێنانی ئامانج و ئاواتەكانی لاوانی ئازادیخوازی نەتەوەكەمان دامەزرا و لە ماوەی سێ ساڵی رابردوودا سەرەڕای كەم و كوریەكانی ،كار و تێكۆشانی خۆی بە بەرنامە و ئەكتیڤتر بەرێوە بردووە. لە سەردەمی بە جیهانیبوون و دۆنیای تەكنۆلۆژی ناساندنی كێشە نەتەوەیی و سەرجەم كێشەكانی لاوان لە كوردستان بە ئەركی خۆی دەزانێت و لەو پێناوەدا هەنگاو هەڵدەگرێت بە خۆشییەوە دەبێت بڵێین كە لە ئێستادا لە چەندین وەڵاتی ئوروپایی كومیتەی لاوانی خەبات دامەزراوە و سەرقاڵی تێكۆشان و چالاكییە. ناوەندی لاوان لە ماوەی یەك ساڵی رابردوودا لە زۆرێك لە كۆر و كۆبوونەوەكانی تایبەت بە لاوان بەشداری چالاكانەی هەبووە و لە رێخستن و بەرێوەبەری یەكەمین كۆنفرانسی لاوانی رۆژهەڵات ،كە بۆ یەكەم جار بوو كۆنفرانسێكی لەو شێوە بە سەركەوتووانە بەرێوە بچێت رۆڵی كارای گێڕاوەو بەشداری لە كۆبوونەوەكانی ئامادەكاری چوارەمین كۆنفرانسی نەتەوەیی لاوانی چوارپارچەی كوردستان ، كە ئەركی بەرێوەبەرییەكەی لە ئەستۆی لاوانی رۆژهەڵاتە و دەیان كۆر و كۆبوونەوەی ناوخۆیی هەڵسوڕانی بووە.
لاوانی تێكۆشەر!
ئەمرۆكە لە ئێران بە گشتی و لە كوردستان بە تایبەتی لاوان لە بارودۆخێكی نالەباردان و زیاتر لە رابردوو لە لایەن رژێمی دیكتاتۆر و دواكەوتووی ئاخوندییەوە دەچەوسێنەوە. ئەمرۆكە زیاتر لە جاران دەسەڵاتدارانی رژێمی ئاخوندی فشاری لەسەر لاوان چڕتر كردووەتەوە و زیاتر لە رابردوو هەولی سرینەوەی لاوان دەدات كە ئەمەش نیشانەی ترسی رژێمە لە هێز و تواناكانی لاوان و دەریدەخات كە ئەو رژێمە لە هەر كاتێك زیاتر لە بەرز بوونەوەی حاستی هۆشیاری لاوان و بیرۆكەی ئازادیخوازانەیان دەترسێت. رژێمی ئاخوندی هەموو هەوڵێكی خستووەتە گەر بۆ لە ناوبردنی لاوان ، و لە هەموو بوارێكدا پێش بە بەرەو پێش چوونی لاوان و دەستراگەیشتنیان بە زانیاری و تەكنۆلۆژیای سەردەم دەگرێت و بە بەردەوامی پەرە بە سیاسەتە پاوانخوازانەكەی دەدات. رۆژ لە دوای رۆژ بڵاوكردنەوەی مادە هۆشبەرەكان لە ئێران زیاتر دەكات و هەر رۆژەو جۆرێك لەو مەوادانە لە ئێران بەرهەم دێنێت تاكوو لەو رێگاوە بەربەرەكانی لەگەڵ پێشكەوتنی لاواندا بكات. لە ئێران كێشە كۆمەڵایەتییەكانی وەك، بێكاری، ئێعتیاد، خۆكوژی، مندالانی سەرشەقام، تەلاق و ...هتد زیاتربووە ولاوانی ناچار كردووە كە وڵات بە جێبهێلن و روو لە وڵاتانیتر بكەن. بێگومان رژێمیش زیاتر لە جاران هەست بەوە دەكات كە تەمەنی لە كۆتایی نزیك بووەتەوە و لاوانی ئێمە بەو رادە لە هۆشیاری نەتەوەیی گەیشتوون كە دەزانن بە بێ رووخانی رژێمی ئاخوندی نە تەنیا لاوان بەڵكوو هیچ كام لە پێكهاتەكانی كۆمەڵگا بە مافە رەواكانی خۆیان ناگەن و تاكە رێگای گەیشتن بە ئازادی و بە دێهێنانی مافە سنفی و سیاسیەكانی خەڵكی ئێران بە گشتی و لاوانی كورد بە تایبەتی روخانی ئەو رژێمە و هاتنە ئارای حكومەتێكی دیموكراتیك و پارلەمانییە لە ئێران و شاهێدیش بۆ ئەو قسەیە تەریك كەوتنەوەی رژێمە لە ناو كۆمەڵگای جیهانی و كێشەو ململانێیە ناوخۆییەكانیەتی. بێ شك ناوەندی لاوانی خەبات لەو پێناوەدا تێدەكۆشێت و خەباتی خۆی بۆ ئەو مەبەستە درێژە پێدەدات. ناوەندی لاوان كارو تێكۆشانی لاوانی چاونەترسی نەتەوەكەمان لە ناوخۆی وڵات بە هەنگاوێكی كاریگەر دژ بەو رژێمە دەزانیت و باوەری وایە كە دەبێت لاوانی ناوخۆ كوردستان لێبراوانەتر لە رابردوو خۆیان ماندوو بكەن و پێش بە سیاسەتە دواكەوتووانەكەی ئەو رژێمە بگرن و بۆ بەرەو سەر بردنی حاستی هۆشیاری كۆمەڵایەتی خەڵكی كورد تێبكۆشن و وەك رابردوو یار و خومخۆری لاوانی شۆرشگیر بن و لە یارمەتییە مەعنەوییەكانی خۆیان بێ بەشمان نەكەن. ناوەندی لاوانی خەبات باوەری بە كار و تێكۆشانی هاوبەش هەیە لەگەڵ باقی رێكخراوەكانیتری لاوان و پێی وایە بە نزیك بوونەوە و تێكۆشانی هاوبەش رێگای گەیشتنی لاوان بە ئامانجەكانیان ئاسانتر دەبیت و لەو پێناوەشدا كارمان كردووە و هەنگاومان هەڵگرتووە و هەر لێرەشەوە دەستی هاوكاری و تەبایی خۆمان بۆ هەموو رێكخراوەكانی لاوان لە چوارپارچەی كوردستان و بە تایبەتی رێكخراوەكانی لاوان لە كوردستانی ئێران درێژ دەكەین و ئامادەی هەر چەشنە هاوكاریێكین. باوەرمان وایە كە دەبێت لەم قۆناغە لە جوڵانەوەی رزگاریخوازانەی نەتەوەی كورد كچان و ژنانی تێكۆشەری كوردستان شان بە شانی پیاوان لە هەموو بوارەكانی خەبات چ سیاسی و چ كۆمەڵایەتی دەور و نەقشیان هەبێت و بە دامەزراوە كردنی خەبات و تێكۆشانی لاوان زیاتر لە رابردوو هەستی پێ دەكرێت و ئەوەش راستیێكی حاشا هەڵنەگرە كە لاوان بازووی بە هێزی كۆمەڵگان و بە چالاكی و تێكۆشانی خۆیان دەتوانن گۆران لە هەموو بوارەكانی كۆمەڵگادا بكەن. كۆمەڵگا و بە تایبەتی ئەحزابی شۆرشگێر لەم قۆناغەی ئێستادا دەبێت زیاتر لە رابردوو مەیدان بۆ خۆ دەرخستنی لاوان و مەجال بۆ نیشاندانی هێز و تواناكانیان لە بار بكەن و لە هەموو جۆمگەكانی بەرێوەبەریدا كەڵكیان لێ وەر بگرن. بە بێ شك بە ئاوردانەوەێك لە مێژوو ئەوەمان بۆ دەردەكەوێت كە كۆمەڵگاێك پێشكەوتوو و سەركەوتوو بووە كە لە بیرو هێزی لاوان بە شێوەی شیاو كەڵكی وەر گرتووە.
جارێكیتر سیهەمین ساڵرۆژی دامەزراندنی ناوەندی لاوانی خەبات لە هەموو لاوێكی خوێنگەرم و تێكۆشەرپیرۆزبێت هەروەها لەم رۆژەدا پەیمان لەگەڵ مامۆستای نەمر و رێبەری نەتەوەكەمان مامۆستا سید جەلال حوسێنی نوێ‌ دەكەینەوە كە تاكوو گەیشتن بە ئامانج و ئاواتەكانی درێژەدەری رێگای پڕ لە شانازی بین و هەوڵەكانمان بۆ گەیشتن بە ئازادی و دابین كردنی كۆمەڵگاێكی دیموكراتیك چڕتر بكەینەوە.
سەركەوێت شۆرشی رزگاریخوازانەی نەتەوەی كورد!
مەرگ و نەمان بۆ رژێمی داگیركەری ئاخوندی !
11ی بانەمەڕی 1393ی كۆچی خۆری
ناوەندی لاوانی خەبات دەستەی بەرێوەبەری!
ڕێکه‌و 2014-05-01 14:24:14
به‌شی ( چالاکییه‌کان )







سیاسی