ئەمنیەتیی كردنی دۆخی شاری سنە و برینداربوونی لاوێكی كورد بە تەقەی هێزە نیزامییەكان
هاووڵاتییەكە راگەیاندووە، ماوەی ١٠ رۆژە دۆخی شاری سنە بە تەواوەتی ئەمنیەتی كراوە و هاتووچۆی خەڵک و ماشێنەكان كۆنترۆڵ دەكرێن. ئەو هاووڵاتییە ئەوەشی خستۆتەڕوو، شەقامی ئازادەگانی شاری سنە ( مەیدانی ئیمام شافێعی ـ مەیدانی كوهنەوەرد) زۆرترین هێزی نیزامی تێدا جێگیر كراوە. ئەو هاووڵاتییە كە نەویست ناوی ئاشكرا بكرێ‌ت گوتیشی، تەقەكردنی هێزە نیزامییەکان لەو لاوە كوردە، پەوەندیی بەو ئەمنیەتی كردنەی شاری سنەوە بووە.

هەر لەو پەوەندییەدا سەرچاوەیەكی ئاگادار باسی لەوە كردووە،"دەنگۆی ئەوە هەیە كە كەسێكی پایەبەرزی حكوومەتی ئێران بە نهێنی هاتبێتە شاری سنەوە". سەرچاوەكە وتوویەتی: ئەگەری ئەوە هەیە عەلی خامنەیی رێبەری حكوومەتی ئێران بە مەبەستی چارەسەریی نەخۆشییەكی سەردانی شاری سنەی كردبێت".

بەپێی ئەو زانیاریانەی كە بڵاو بوونەتەوە رێبەری حكوومەتی  ئێران " نەخۆشی شێرپەنجەی پڕۆستات"‌ی هەیە و پزیشكەكان گۆڕینی كەش و هەوایان بە عەلی خامنەیی پێشنیار كردووە.

300x180x17995.jpg.pagespeed.ic.jRFR7SkFBN


ڕێکه‌و 2014-03-11 11:21:40
به‌شی ( هه‌واڵه‌کان )







سیاسی